سيما الابداع



انضم إلى المنتدى ، فالأمر سريع وسهل

سيما الابداع

سيما الابداع

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى سيما الابـــــــــــــداع


    قلمي رسالة...................حبي رسالة

    mogtaba admin
    mogtaba admin
    Admin


    عدد المساهمات : 79
    تاريخ التسجيل : 10/07/2010

    قلمي رسالة...................حبي رسالة  Empty قلمي رسالة...................حبي رسالة

    مُساهمة من طرف mogtaba admin الخميس أغسطس 12, 2010 10:08 am

    السلام عليكم ورحمة الله وبركاته



    موضوعي ده ياجماعة اهداء الى كل حد هنا في القسم



    اهداء لكل عضو وكل مشرف



    وربي يعلم ماأكنه من الحب والتقدير لكل عضو او مشرف هنا في القسم



    وفي البداية قبل كل شيء أحب أني أشكر مشرفي القسم على جهودهم الاكتر من ممتازة


    بجد مهما شكرت مش هعرف أوفيهم حقهم



    وبجد هما من أفضل مشرفي المنتدى بوجه عام



    ويارب دايما يكونوا بخير ودايما في جهودهم المتميزة ديه




    أدخل بقى في موضوعي وفي اللي أنا عاوزة أقوله



    بالنسبه لقسمنا


    طبعا القسم دة بدون نقاش من أفضل أقسام المنتدى


    وبجد الأعضاء اللي فيه من أقربهم الى قلبي


    وعشان كدة بجد هتكلم معاكو من قلبي


    بعد مرور سنة تقريبا على وجودي معاكم


    أحلى أصحاب وأحلى اخوات



    بجد يارب دايما تفضلوا كدة احلى ناس في الدنيا


    لكــــــــــــــــــــــــــــــــن


    عاوزة أتكلم عن حاجة مهمة أوي وهو القلم ياجماعة


    قلمنا اللي بنكتب بيه


    قلمنا اللي بنعبر عن شعورنا بيه



    قلمنا اللي هو احساسنا وحياتنا


    كام موضوع كتبناه وكام خواطر قلناها وكام مقاسي عشناها؟؟



    كتير أكيد


    بس في النهاية كام موضوع كتبته وكان ليك رسالة منه



    ليه بنكتب وخلاص؟؟؟؟؟؟



    احنا المفروض مش اي حد



    المفروض احنا ناس غير عاديين


    احنا ناس من أمة النبي




    لازم نخلي لينا رسالة بنوصلها من خلال قلمنا


    في كل موضوع وكل رد



    قلمنا ده ياجماعة هيشهد علينا يوم القيامة


    ساعتها ممكن يتبرى مننا ويقول ياريتني ماكنت في ايد صاحبي


    هو احنا نرضى كدة لنفسنا؟؟



    هو احنا عايشين اي حاجة وخلاص



    موهبتك ديه من فضل ربنا


    أوعى تعصي بموهبتك ربنا


    ياجماعة حاجة مهمة بجد بتوعجني أوي



    كثرة الصور اللي احنا بنحطها في مواضيعنا ولازلنا بنحطها


    ونقول عليها صور رومانسيه


    مفيش مشاكل نحط صور رومانسيه

    بس ليه مانحطش صور رومانسية لكن صور ترضي ربنا



    ليه نحط صورة شاب وبنت وطبعا هي صورة مش ترضي ربنا


    ياجماعة ديه ذنوب كتيرة أوي احنا مش قدها بجد



    قلمي رسالة...................حبي رسالة  Cd41f7f31c

    كتير اتكلمت وعارفة ان فيه ناس هتقوللي قلتي قبل كدة


    بس من باب وذكر فان الذكرى تنفع المؤمنين


    واحنا كلنا لازم بجد نتناصح مع بعضنا لو كنا بجد بنحب بعض والا نكون بنتكلم وخلاص

    او بننافق بعض


    ياريت ياجماعة لو نحط في بالنا اننا نغير صورنا


    نغير الصور لصور تانيه رومانسيه وكل حاجة وجميله بس ترضي ربنا

    عشان ربنا هو ربنا

    حبيبنا وخالقنا


    خلقنا عشان نعبده ونسمع كلامه مش كل حد فينا يتبع هواه


    كمان حاجة


    ياريت ننتبه لكلامنا اللي بنكتبه


    كلام الحب


    ننتبه عشان مانقولش حاجة فيه حرام


    ياريت نتجنب اننا نقول مثلا انا مش عايشه غير ليك



    او ...او .........



    واحنا أكيد عارفين كل دة


    بس كل دة احنا ممكن نكون مش واخدين بالنا منه


    لعلنا نغير حاجة بحاجة ونقابل ربنا على اللي هو يرضاه




    قلمك أمانة


    قلمك رسالة


    حاول تكون صاحب هدف ومبدأ مش أي كلام وخلاص







    ________________________



    حبي رسالة


    حتى حبنا ياجماعة رساله


    الحب دة أجمل حاجة في الدنيا


    الحب هو الحياة


    الحب تضحية وعطاء


    الحب أجمل حاجة لكن لو نعرف معناه


    كل حاجة في الدنيا لازم نعاملها بحب حتى الجماد


    الحب في الدنيا أكبر رساله

    عمره مايموت ولاعمره يضيع

    ولو حسيت ان الحب مات يبقى تعرف ان قلبك هو اللي مات مش الحب


    لان الحب مش بيموت



    قلمي رسالة...................حبي رسالة  6eec2e632d



    _____________________________



    في النهاية


    يارب أصلح أمورنا


    ويارب اجمعنا كلنا في الفردوس الأعلى من الجنة


    ويارب نبص لحالنا ونحاول نغير من نفسنا حبه حبه


    ع الأقل لما نقابل ربنا نقوله يارب احنا كنا بنعمل

    كان لينا رسالة واضحة وهدف واضح ماكناش تايهين في الحياة


    وأشكر مرة تانيه المشرفين

    تذكر:::

    (((قلمك أمانة.................................قلبك أمانة)))






    قلمي رسالة...................حبي رسالة  N112184766083_1278






    تابع لحملة شباب عارف قيمته وبجد منتمي لرسالته


    http://www.as7apcool.com/vb/showthread.php?t=524432








    بحبكم في الله


    أختكم :روحاء هندسه






    قلمي رسالة...................حبي رسالة  Dawa5-w-muslema1


    __________________
    قلمي رسالة...................حبي رسالة  Cd41f7f31c

      الوقت/التاريخ الآن هو الخميس مارس 28, 2024 1:03 pm